झापा । बिजुलीको करेन्ट लागेर झापामा बुधवार बेलुका एक जनाको मृत्यु भएको छ। मृत्यु हुनेमा शिवसताक्षी नगरपालिका ८ स्थित दाहाल चोक बस्ने ६१ वर्षीय हर्कबहादुर दर्जी रहेको प्रहरी कार्यालय कार्यालय झापाले जनाएको छ ।
जिल्ला प्रहरी कार्यालय झापाका प्रहरी नायव उपरीक्षक तथा प्रवक्ता महेन्द्रकुमार श्रेष्ठका अनुसार आफ्नै घरमा बिजुलीको तार जोड्ने क्रममा दर्जीलाई अचानक करेन्ट लागेको थियो। करेन्ट लागेर गम्भीर घाइते भएका उनको उपचारको क्रममा बिर्ता सिटी अस्पताल बिर्तामोड मृत्यु भएको हो।
यता इलाका प्रहरी कार्यालय बिर्तामोडले उनको शवको कानुनी प्रक्रिया गरी पोस्टमार्टमका लागि मेची अस्पताल भद्रपुर पठाएको जनाइएको छ।
