झापा २ मा एमालेका उम्मेद्वारहरु नै अगाडि

झापा । झापा क्षेत्र नम्बर २ मा प्रतिनिधिसभा र प्रदेशसभातर्फ नेकपा एमालेका उम्मेद्वारको सेट नै अगाडि रहेको छ । प्रतिनिधिसभातर्फ देवराज घिमिरे, प्रदेशसभातर्फ (१) मा चिन्तन पाठक र (२) मा एकराज कार्की उम्मेद्वार छन् ।

प्रतिनिधिसभा निर्वाचनमा एमालेका घिमिरे १ हजार १२२ मतान्तरले अगाडि छन् । घिमिरेले ७ हजार ३२८ मत ल्याउँदा उनका निकट्तम प्रतिद्वन्द्वी स्वतन्त्र उम्मेदवार स्वागत नेपालले ६ हजार २०६ मत ल्याएका छन् । त्यस्तै गठबन्धनका हरि राना ३ हजार ५९५ मत ल्याएर तेस्रो स्थानमा छन् । राष्ट्रिय स्वतन्त्र पार्टीका रुद्रप्रसाद गिरीले १ हजार ९७५ मत पाएका छन् ।

त्यस्तै प्रदेशसभातर्फ २ (१) मा एमालेका एकराज कार्कीले फराकिलो अग्रता बनाएका छन् । उनले ४ हजार ८५० मत ल्याउँदा उनका प्रतिष्पर्धी एकीकृत समाजवादीका पुष्पराज पोखरेलले १ हजार ५५३ मत ल्याएका छन् । त्यस्तै हाम्रो नेपाली पार्टीका भक्तबहादुर भुजेलले १ हजार ९६ मत ल्याएका छन् ।

त्यसैगरी २ (२) मा एमालेका चिन्तन पाठकले ७ हजार २३९ मत ल्याउँदा नेपाली कांग्रेसका खगेन्द्र मैनालीले ५ हजार ४७३ मत लयाएका छन् ।