बिहीबार इलामको उच्च स्थानमा हिमपात

इलाम । इलामका उच्च पहाडी र हिमाली क्षेत्रमा हिमपात भएको छ ।

पश्चिमी वायुको प्रभावका कारण इलामका उच्च पहाडी र हिमाली भेगमा हिमपात भएको जल तथा मौसम विज्ञान विभागको मौसम पूर्वानुमान महाशाखाले जनाएको छ ।

इलामका सन्दकपुर, जौबारी, मेघमा, तुम्लिङ लगायतका स्थानमा बिहीबार मध्यान्हदेखि हिमपात भएको हो । हिमपातका कारण स्थानीयको जनजीवन प्रभावित भएको छ । हिमपातपछि स्थानीयहरु घरभित्रै बसेका छन् ।