काठमाडौं। सरस्वती युथ क्लबलाई पराजित गर्दै झापा फुटबल क्लबले सहिद स्मारक ‘बी’ डिभिजन लिगमा पहिलो जित निकालेको छ।
सातदोबाटोस्थित एन्फा कम्प्लेक्समा बिहीबार सम्पन्न खेलमा झापा २-० ले विजयी भएको हो। जितसँगै झापाले चार खेलबाट चार अंक पुर्याएको छ। झापा आठौँ स्थानमा उक्लिएको छ।
सरस्वतीको भने यो दोस्रो हार हो। यसअघि टुसाल युथ क्लबसँग सरस्वती १-० ले पराजित भएको थियो। झापाको जितमा प्रदीप बूढाथोकी र राजेश दाहालले गोल गरे।
प्रदीपले ११औं मिनेटमा गोल गर्दै झापालाई सुरुआती अग्रता दिलाए। निर्धारित खेल सकिन दुई मिनेट बाँकी रहँदा राजेशले अर्को गोल गर्दै झापाको जित पक्का गरे । लगतार दोस्रो पराजय बेहोरेको सरस्वती सामान खेलबाट ६ अंकका साथ छैटौं स्थानमा छ ।