झापा । मलेसियाको सेलंगोरमा आयोजित प्रथम आरटीएफसी गोल्डकप नेपाली कम्युनिटी फुटबल प्रतियोगिताको उपाधि आयोजक आरटीएफसीले जितेको छ । साँघुरो गोलअन्तरको जित निकाल्दै आरटीएफसील उपाधि रक्षा गरेको हो ।
पानासोनिक स्टेडियममा आइतबार भएको फाइनल खेलमा आयोजक आरटीएफसीले एन-पेनाङ एफसीलाई १-० को गोलअन्तरले हराउँदै उपाधि उचाल्न सफल भएको हो ।
विजेता आरटीएफसीले उपाधिसहित नगद २० हजार मलेसियन रिंगेट र उपविजेता एन-पेनाङले १० हजार मलेसियन रिंगेटसहित ट्रफी, मेडलमा चित्त बुझाएको छ ।
आरटीएफसी मलेसियाको आयोजनामा सम्पन्न प्रतियोगितामा मलेसियामा रहेका नेपाली कम्युनिटीका कुल १८ टोलीहरुले सहभागिता जनाएका थिए ।
प्रतियोगिता भव्यताका साथ सम्पन्न गर्न सहयोग, हौसला र समर्थन दिने सबैलाई आयोजक क्लबका अध्यक्ष राजु तामाङले आभार र धन्यवाद प्रकट गरेका छन् ।