काठमाडौँ । भारतले वुमेन्स साफ च्याम्पियनसिप २०२४ मा बिहीबार विजयी सुरुआत गरेको छ । तर, पाँचपल्टको च्याम्पियन भारतले दशरथ रंगशालामा भएको खेलमा पाकिस्तानलाई ५-२ ले हराउन संघर्ष गर्नु परेको थियो ।
भारतको सजिलो जित अपेक्षा गरिएको थियो, तर पाकिस्तानले त्यस्तो हुन दिएन । यो जितपछि समूह ए मा भारतको ३ अंक भएको छ र तीन टिम सम्मिलित समूहको शीर्षमा रह्यो । पाकिस्तान भने शून्य अंकमा छ । अब समूहको अर्को खेलमा पाकिस्तानले आइतबार बंगलादेशको सामना गर्नेछ ।
भारतका लागि ग्रेस डाङमेइ, मनीषा कल्यान, बाला देवी र ग्रेसले व्यक्तिगत दोस्रो गोल गरिन् । पाकिस्तानबाट सम्भव पहिलो गोल सुहा हिरानीले पेनाल्टीबाट गरिन् । कायला मारिया सिद्दीकीले पाकिस्तानका लागि दोस्रो गोल फर्काइन् ।
भारतका तर्फबाट पाँचौ गोल ज्योति चौहानले गरिन् । शुक्रबार समूह बी को पहिलो खेलमा श्रीलंकाले माल्दिभ्सको सामना गर्नेछ । दोस्रो खेलमा नेपाल भुटानसँग खेल्नेछ ।
