भद्रपुर। झापाको सदरमुकाम भद्रपुरस्थित मेची प्रादेशिक अस्पताललाई झापाका पाँचवटा रोटरी क्लवले संयुक्तरुपमा रियल टाइम पीसीआर मेशिन उपलब्ध गराएका छन् ।
रोटरीको क्लव अफ रिजन ७ तथा डिस्ट्रिक्ट ३२९२ को सहयोगमा झापाका रोटरी विर्तामोड, विर्तामोड मिडटाउन, रोटरी भद्रपुर, रोटरी काँकरभिट्टा, रोटरी सुरुंगा र रोटरी दमकले बिहीबार मेची प्रादेशिक अस्पतालमै पुगेर संयुक्त रुपमा पीसीआर मेशिन प्रदान गरेका हुन् ।
स्वास्थ्य सम्बन्धी मापदण्ड पालना गर्दै अस्पतालको सभाहलमा आयोजित संक्षिप्त कार्यक्रमका बीच अस्पताल विकास समितिका अध्यक्ष सोमनाथ पोर्तेल तथा मेडिकल सुपरिन्टेन्डेन्ट डा। पिताम्बर ठाकुरलाई संयुक्त रुपमा पीसीआर मेशिन हस्तान्तरण गरिएको थियो ।
कार्यक्रमका बीच अस्पताल विकास समितिका अध्यक्ष पोर्तेलले अर्को पनि पीसीआर मेशिन प्राप्त भएकाले परीक्षणको दायरा बढ्ने र नतिजाको समय पनि घट्ने बताउनुभयो ।
विश्वव्यापी महामारी नोवल कोरोना भाइरस ९कोभिड १९० को संक्रमण नेपालमा बढ्दै गइरहेको बेला परीक्षणको दायरा बढाउन सहयोग पुर्याउने उद्देश्यले रोटरीले देशभरि ७ वटा पीसीआर मेशिन प्रदान गर्ने निर्णय गरेअनुसार प्रदेश १ मा मेची अस्पताललाई एउटा मेशिन उपलब्ध गराइएको रोटरियन निर्मल भट्टराईले जानकारी दिनुभयो ।
मेशिनको मूल्य सरदर १३ लाख ५० हजार रहेको रोटरी क्लव भद्रपुरका अध्यक्ष आदित्य पराजुलीले बताउनु भयो ।
