बिर्तामोड । झापाको बिर्तामोड नगरपालिकामा आज दिउँसो आगलागी हुँदा एक घर जलेर नष्ट भएको छ ।
विद्युत् सर्ट भए आगलागी हुँदा बिर्तामोड–१ का देवेन्द्र भुजेलको घर पूर्णरुपमा जलेर नष्ट भएको इलाका प्रहरी कार्यालय अनारमनीले जनाएको छ । विद्युत सर्ट भएर घरमा आगलागी भएसंगै सिलिन्डर पड्किएको स्थानीयबासीको भनाइ छ । जसका कारण आगो थप दन्किएको हो ।
आगो स्थानीयबासी, प्रहरी र दमकलको सहयोगमा नियन्त्रणमा लिइएको छ । क्षतिको विवरण आउन बाँकी रहेको प्रहरीले जनाएको छ ।
