झापा । मेचीनगरमा थप १ जनामा कोरोना संक्रमण पुष्टि भएको छ ।
मेचीनगर–४ स्थित बाहुनडाँगी सामुदायिक भवनको क्वारेन्टिनमा बसेकी २७ वर्षीया महिलामा कोरोना संक्रमण पुष्टि भएको हो ।
गत असार १७ गते भारतको दिल्लीबाट काँकरभिट्टा हुँदै उक्त क्वारेन्टिनमा आएर बसेकी थिइन् । उनको गत असार २९ गते पीसीआरको नमुना परीक्षण गरेर धरानको कोभिड–१९ को प्रयोगशाला पठाइएको थियो ।
उनको विहीबार पीसीआरको रिपोर्ट पोजेटिभ आएको मेचीनगर नगरपालिकाले जनाएको छ । उनलाई आजै विराटनगरको कोभिड अस्पताल उपचारका लागि पठाइएको बताइएको छ ।
ती महिलाको पीसीआरको रिपोर्ट पोजेटिभ आएको स्वास्थ्य मन्त्रालयले आज दिउसो पुष्टि गर्नेछ ।
योसँगै मेचीनगरमा कोरोना संक्रमितको संख्या ४८ पुगेको छ । त्यसमध्ये ३८ जना निको भएर घर फर्किएका छन् ।
