फिदिम । पाँचथरको सदरमुकाम फिदिममा एकाबिहानै आगलागी भएको छ ।
आज (शनिबार) बिहान करिब ७ः४० बजेको समयमा फिदिम बजारको लखनमार्गमा आगलागी भएको हो । स्थानीय दावा शेर्पाको घरमा एक्कासी आगो उठेको बताइएको छ ।
आगलागी भर्खरै फिदिम नगरपालिकाको दमकल, स्थानीय र प्रहरीको प्रयासमा नियन्त्रणमा लिइएको छ । आगलागी हुनुको कारण खुल्न सकेको छैन । आगलागीबाट भएको क्षतिको विवरण संकलन भइरहेको प्रहरीले जनाएको छ ।
