सुरुङ्गा । झापाको कनकाई नगरपालिकाले सबै वडा शिल गर्ने भएको छ ।
कोरोना भाईरस संक्रमितको संख्या बढ्न थालेको भन्दै साउन ९ गते राति १० बजेदेखि साउन १६ गते सम्मको लागि सबै वडाका बजार, चोक र टोल बन्दाबन्दी (शिल) गर्नुपर्ने भएको नगरपालिकाले विज्ञप्तिमार्फत जानकारी गराएको हो ।
भोलिबाट हुने लकडाउनमा नगर क्षेत्रभित्रका अत्याबश्यक वस्तुबाहेक सबै पसलहरु बन्द गर्ने नगरपालिकाले निर्णय गरेको छ । त्यसैगरी बन्दाबन्दीभर नगरपालिका र वडा कार्यालयबाट दैनिक रुपमा प्रदान हुँदै आएको सेवाहरु पनि बन्द हुने र अत्याबश्यक काम भने सुचारु गरिने पालिकाले जनाएको छ ।
कोरोना संक्रमण बढेकै कारण अर्जुनधारा नगरपालिका वडा नम्बर ८ ले शनिश्चरे बजार क्षेत्रमा लकडाउन जारी गरेको छ ।
