झापा । झापाको बुद्धशान्ति गाउँपालिकामा विषालु सर्पको टोकाइबाट एक किशोरको मृत्यु भएको छ । बुद्धशान्ति ५ का अजित तामाङको सर्पको डसाइबाट मृत्यु भएको हो ।
गाउँमा राति ९ बजे जंगली हात्ती आएको बेला हात्ती धपाउन निस्केका १५ बर्षीय किशोर अजित तामाङलाई बिषालु सर्पले डसेको थियो ।सर्पको डसाइबाट सिकिस्त भएका तामाङलाई उपचारका लागि सर्पदंश उपचार केन्द्र चारालीमा उपचार सुरु गर्दा गर्दै मृत्यु भएको प्रहरीले जनाएको छ ।
मृतक बुद्धशान्ति ५ खारखोलाका हुन् । उनले यसै वर्ष एसईई दिएका थिए । उनी फुटबल खेलाडी पनि थिए ।
