पाँचथर । दोस्रो भेरियन्ट कोभिड १९ नियन्त्रणको लागि पाँचथर जिल्लामा सोमबार मध्य रातिदेखि लागु हुने गरी चौथो पटक एक हप्तालाई निषेधाज्ञा थप गरिएको छ । जिल्ला कोभिड नियन्त्रण समितिको बैठकले सो निर्णय गरेको हो ।
पाँचथर जिल्लामा वैशाख २७ गतेयता यसअघि विभिन्न समयावधिमा तीन पटकसम्म निषेधाज्ञा लागु गरिएको र पछिल्लो पटक जेठ १७ गतेदेखि सोमबार राति १२ बजेसम्म निषेधाज्ञा लागु गरेकोमा निषेधाज्ञा सकिनै लाग्दा थप ७ दिन थप गरी आगामी जेठ ३१ गते मध्यरातसम्म निषेधाज्ञा बढाइएको सहप्रमुख जिल्ला अधिकारी धनञ्जय शाहले बताउनुभयो ।
जिल्लामा अत्यावश्यक बस्तुहरू खाध्यन्न, सब्जी जस्ता बस्तु बिहान ५ बजेदेखि ९ बजेसम्म स्वास्थ्य मापदण्ड कायम गरी खुल्ला गरिएको जनाइएको छ ।
