बिर्तामोड । झापा कचनकवल १ निलडाँडा बस्ने ४८ वर्षिय दिलबहादुर तामाङको स्थानीय पैनीमा डुबेर मृत्यु भएको छ ।
गत साउन १७ गते राति घरबाट हिँडेका तामाङलाई खोजी गर्ने क्रममा आइतबार बिहान ८ः२० बजे पैनीमा उनको शव फेला परेको थियो ।
तामाङ आफ्नै घरबाट कोही कसैलाई नसोधी घरबाट हिँडी बेपता भएका थिए । उनको बारेमा साउन १८ गते आफन्तले प्रहरी चौकी घेराबारीमा जानकारी गराएका थिए ।
उनी गाउँघरमा मादक पदार्थ सेवन गरी हिँड्ने गरेको जनाइएको छ ।
जिल्ला प्रहरी कार्यालय झापबाट टोली खटिगई कानुनी प्रक्रिया पूरा गरी शव पोष्टमार्टमका लागि ल्याइएको प्रहरी नायव उपरीक्षक राकेश थापाले बताए ।
