झापा । झापा अर्जुनधाराका अर्का कोरोना संक्रमितको मृत्यु भएको छ । मृत्यु हुनेमा महिला रहेकी छन् ।
स्वास्थ्य कार्यालय झापाका अनुसार मृत्यु हुनेमा अर्जुनधारा ९ की ४५ वर्षिया महिला रहेकी छन् । उनको बिर्तासिटी हस्पिटल बिर्तामोडमा उपचारका क्रममा मृत्यु भएको हो । यसअघि गत शुक्रबार अर्जुनधारा नगरपालिका ४ का ७५ वर्षीया बृद्धको पनि कोरोना संक्रमणबाट मृत्यु भएको थियो ।
कोरोना संक्रमण दर घटे पनि झापामा संक्रमितहरुको मृत्यु दर घटेको छैन । झापामा हालसम्म कोरोना संक्रमणबाट मृत्यु हुनेको संख्या ६६९ पुगेको छ ।
यसैबीच सोमबार झापामा ८ महिला र १३ पुरुष गरी २१ जना नयाँ संक्रमित थपिएका छन् । सोमबारसम्म जिल्लामा १३०२ जना सक्रिय संक्रमित रहेका छन् । त्यसमध्ये १८ जना अस्पताल भर्ना भएको स्वास्थ्य कार्यालयका कोभिड पर्सन जीवन चौँलागाईले बताए ।
