तेह्रथुम । छथर गाउँपालिकानजिकै निर्माणाधीन सौरेनी डाँडा पिकनिक स्पट पर्यटकको रोजाइमा पर्न थालेको छ ।
स्थानीय सरकारले पर्यटक आकर्षित गर्न डाँडामा भौतिक संरचनाहरु निमार्ण सुरु गरेपछि यो डाँडा पर्यटकहरुको रोजाईमा पर्न थालेको हो ।
कोशी राजमार्गदेखि करिब ९ किलोमिटरको दुरीमा रहेको शुक्रबारे बजार नजिकैको यो पिकनिक स्थल आन्तरिक पर्यटकहरुको गन्तव्य बन्न थालेको छ ।
डाँडाको चारैतिर टहराहरु बनाइएका छन् । हरियाली वनपाखाको काखमा रहेको स्पटमा ४ वटा ब्लक स्थापना गरी प्रत्येक ब्लकलाई फरक फरक प्रकृतिका रमणीय स्थल निर्माण गरिने छथर गाउँपालिकाका अध्यक्ष सन्तोष तिगेलाले जानकारी दिए ।
