बिर्तामोड । झापा ११ एफसी चौथो मग मग झापा गोल्डकपको फाइनलमा प्रवेश गरेको छ । गोल्डकपको चौथो संस्करण जारी रहँदा झापा चौथो पटक नै फाइनलमा प्रवेश गरेको हो ।
शुक्रबार भएको पहिलो सेमिफाइनल खेलमा रुस्लान थ्री स्टार क्लबलाई टाइब्रेकरमा 3-1 गोलले पराजित गदैै झापाले फाइनल यात्रा तय गरेको हो । झापाले सेमिफाइनलमा नै तेस्रो पटक थ्री स्टारलाई पराजित गरेको हो ।
झापाका लागि पुजन उपरकोटी, देवेन्द्र तामाङ्, दिनेश थापामगरको प्रहार गोलमा परिणत भएको थियो भने कर्ण लिम्बू र हेमन गुरु को प्रहार स्टारका गोलरक्षक एलन न्यौपानेले बचाएका थिए ।
स्टारका लागि रजिन धिमालको प्रहारमात्र गोलमा परिणत भएको थियो । बुद्धराज लिम्बूको प्रहार झापाका गोलरक्षक दिनेश थापामगरले रोकेका थिए । रुपेश केसी र मिक्चेन तामाङ्को प्रहार बाहिरिएको थियो । खेलको म्यान अफ दी म्याच झापाका गोलरक्षक दिनेश थापामगर घोषित भए । उनलाई नगद १५ हजार प्रदान गरियो ।
निर्धारित ९० मिनेटको समयमा दुवै टोलीले गोल गर्न सकेनन् भने पाएको अवसर पनि खेर फालेका थिए । १५ मिनेटको थप समयमा दुवै टिमबाट गोल नहुँदा निर्णय टाइब्रेकरबाट लिइएको हो ।
शनिबार दाउफिन्स एफसी र त्रिभुवन आर्मी क्लबबीच खेल हुनेछ ।
