पाँचथर । पाँचथरको फिदिम नगरपालिकाले एक हप्ताका लागि अत्यावश्यकीय बाहेक सबै बजार पसल बन्द गराउने निर्णय गरेको छ ।
बिहीबार राति १२ बजेबाट अत्यावश्यकीय बाहेक बजार, पसल बन्द गर्ने निर्णय गरिएको नगरपालिकाका प्रमुख ओनाहाङ नेम्बाङले जानकारी दिनुभयो ।
नगरपालिकामा समेत पछिल्लो समय संक्रमितको संख्यामा बढ्न थालेको छ ।
यस्तै, पाँचथर जिल्लामा भदौ १२ गतेदेखि सवारी आवागमनमा रोक लगाइएको छ ।
कोरोना संक्रमितको संख्या बढ्दै गएपछि सवारी आवागमन आगामी भदौ १८ गतेसम्मका लागि रोक लगाइएको स्थानीय प्रशासनले जनाएको छ ।
