ताप्लेजुङ / जिल्ला विभिन्न ठाउँबाट प्रहरीले ४ नाल भरुवा बन्दुक बेवारिसे अवस्थामा फेला पारेको छ। दुई नाल हतियार भने स्थनीयले प्रहरीलाई बुझाएका छन्।
प्रहरी चौकी सिवाबाट खटिएको प्रहरी टोलीले फक्तालुङ गाउँपालिका वडा नं ३ लिङखिमको एक ओढारमा बेवारिसे अवस्थामा लुकाई राखेको दुई नाल बन्दुक फेला पारेको हो।
यस्तै प्रहरी चौकी फूलबारीबाट खटिएको प्रहरी टोलीले आठराई त्रिवेणी गाउँपालिका २ फूलबारीस्थित ओकाटे ढुंगाको ओढारबाट एक नाल र प्रहरी चौकी हाङपाङबाट खटिएको प्रहरी टोलीले सोही गाउँपालिका ३ हाङपाङस्थित सोबुदा जंगलबाट एक नाल भरुवा बन्दुक बरामद गरेको जिल्ला प्रहरी कार्यालय ताप्लेजुङले जनाएको छ।
पाथिभरा याङवरक गाउँपालिका १ नाङखोलेङ छिपछिपेका तक बहादुर गुरुङले प्रहरी चौकी मेवाखामा २ नाल भरुवा बन्दुक बुझाएको प्रहरीको भनाइ छ।
