झापा । निषेधाज्ञाको बहानामा उद्योगी र थोक व्यापारीले खाद्य सामाग्रीको कृत्रिम अभाव सिर्जना गरेका छन् । उपभोक्ताबाट आफूखुशी मूल्य लिन कृत्रिम अभाव खडा गरिएको हो ।
उद्योगी र थोक व्यापारीले खानेतेलमा ७० देखि ८० प्रतिशतसम्म मूल्य बढाएर बेच्दा उपभोक्ता महँगीको मारमा परेका छन् ।
अनुगमन गर्ने जिम्मा पाएको स्थानीय तह र जिल्ला प्रशासन कार्यालय मौन बसेको उपभोक्ताको गुनासो छ । उद्योगीले खानेतेलमा एकैपटक थेग्नै नसक्ने मूल्य बढाएपछि त्यसको भार सर्वसाधारणलाई परेको छ ।
विभिन्न उद्योगले उत्पादन गरेका सूर्यमुखी र तोरीको तेलमा २० दिनको अन्तरालमा अत्यधिक मूल्य बढाएको किराना व्यपारीहरुले गुनासो गरेका छन्।
